– Uly dalanyń saharasyn, ulan-ǵaıyr atyrapty mekendegen, máńgilik kók aspannyń astyndaǵy Qazaq jurtshylyǵy!
Qazaq eliniń tynyshtyǵy – ol ekonomıka jaǵynan da, saıası jaǵynan da, áleýmettik jaǵynan da bizdiń bolashaq jastarymyz úshin óte mańyzdy. Biz – ǵasyrdan-ǵasyrǵa jalǵasyp jatqan urpaqty baǵalaǵan, sózge toqtaǵan qazaqtyń urpaǵymyz! Sondyqtan aýyzbirshilik arqyly memlekettiń bolashaǵyn, qoǵam tynyshtyǵyn oılaýymyz kerek.
Prezıdentimiz Qasym-Jomart Kemeluly Toqaev búgingi QR Parlamenti Májilisiniń otyrysynda talaı tyń dúnıeni tilge tıek etti. Máselen, ol jastardyń bastamasyna beriletin granttar quny 400 AEK-ke deıin artatynyn aıtty. Prezıdent Úkimetke «Jastar is-tájirıbesi» jáne «Alǵashqy jumys orny» jobalaryna qatysýdyń merzimin sozyp, eńbekaqysyn kóterý múmkindigin qarastyrýdy tapsyrdy.
Halyqtyń áleýmettik osal tobyndaǵy jastardyń iskerlik bastamalaryn iske asyrýǵa jaǵdaı jasaý mańyzdy dedi. Sonymen qatar Prezıdent balalarǵa arnalǵan sport nysandary qala men aýdan, aýyldarda salynatynyn habarlady. Qabiletti balalarǵa kómek kórsetip, mádenıetti nyǵaıtamyz dedi. Sebebi, bilimdi, bilikti, mádenıetti, rýhty jastar – bizdiń bolashaǵymyz. Máńgilik eldiń tutqasyn ustaıtyn jas urpaqtyń jaǵdaıy ońdy bolýy tıis.
Keshegi el ishin ala taıdaı búldirgen lańkesterge qarsy tura bilgen de osyndaı otanshyl órimdeı ulandarymyz.
Q.Toqaev «Qazaqstan halqyna» qoǵamdyq qoryn qurýdy tapsyrdy. Bul halyq qory bolmaq. Ol ákimdikterge nemese Úkimetke baǵynyshty bolmaıdy. Jeke bedeldi baqylaý keńesi qurylady. Barlyq aqparat ashyq bolady dedi. Sondaı-aq, memlekettik organdar sannan sapaǵa, esepten iske kóshýi keregin shegeledi.
Osy máselelerdi sóz kúıinde qaldyrmaı, aıaǵyna deıin jetkizýimiz qajet. Ol úshin bilikti adamdardan komısıa quryp, talap qoıyp jáne nátıjesin shyǵarýymyz kerek.