Kandıdattyń jasy 35-ke deıin bolýy kerek.
Vedomstvonyń baspasóz qyzmetiniiń aqparatyna sáıkes, 7 aqpanda QR Qarjylyq monıtorıń agenttigine qabyldanýǵa áleýetti qyzmetkerlerdi irikteý bastalady, dep habarlaıdy Almaty-akshamy.kz
Agenttik bedeli minsiz, ıntellektisi joǵary, kreatıvti oılaý qabileti bar jáne elimizdiń ekonomıkalyq qaýipsizdigine úles qosqysy keletin talantty jastardy jumysqa qabyldaıtynyn aıtty.
Qyzmetten úmitker kandıdattarǵa qandaı talaptar qoıylǵan?
1. «Quqyqtaný», «Ekonomıka jáne aýdıt», «Aqparattyq qaýipsizdik», «Aqparattyq tehnologıalar», «Matematıka» jáne STEM-niń basqa baǵyttary boıynsha joǵary bilimi týraly dıplom;
2. Joǵary deńgeıli ıntellekt (IQ);
3. Jasy 35-ke deıin;
4. Buryn quqyq qorǵaý jáne arnaıy organdarda qyzmetten ótpegender, sondaı-aq eldiń Qarýly Kúshterinde kelisimshart boıynsha qyzmet etpegender;
5. Bedeliniń minsizdigi.
* Úzdik dıplom, olımpıadalardyń, ulttyq jáne halyqaralyq konkýrstardyń jeńimpazdary irikteý kezinde basymdylyqqa ıe;
İrikteý 3 kezeńde ótedi:
1-kezeń – onlaın-anketa toltyrý jáne barlyq qajetti qujattardy jınaqtaý;
2-kezeń – qabilettilikteri men daǵdylaryn baǵalaý (IQ deńgeıin tekserý, esse jazý, ýájdemeli (motıvasıalyq) sóz sóıleýdi daıyndaý);
3-kezeń – Ortalyq apparatta onlaı-suhbattasýdan ótý.
Barlyq kezeńderden sátti ótken azamattar «QR QMA jas mamandary pýlyna»qabyldanyp, QR Bas prokýratýrasy janyndaǵy Quqyq qorǵaý organdary akademıasynda oqytýdan ótý úshin usynylady.
İrikteýden keıin ne kútýde?
Budan ári Akademıaǵa qabyldaý úshin usynylǵan úmitkerler QR zańnamasyn bilý boıynsha aýyzsha emtıhan tapsyrýy tıis.
Oqytý 5 aı boıy ótkiziledi jáne ekonomıkalyq tergep-tekserý qyzmeti organdarynda 1 aı taǵylymdamadan ótedi.
Akademıada oqýdy sátti aıaqtaǵannan keıin túlekter QR Qarjylyq monıtorıń agenttigine jedel ýákil (anyqtaýshy), tergeýshi nemese krımınalıs (B-FMO-6 sanaty) laýazymdaryna qyzmetke qabyldanatyn bolady. Osy laýazymdardyń fýnksıalyq mindetterine krımınalısıkalyq jáne arnaıy zertteýler júrgizý, búdjet salasyndaǵy jáne kvazımemlekettik sektordaǵy, kóleńkeli ekonomıka salasyndaǵy quqyq buzýshylyqtardy jáne Qazaqstan Respýblıkasynyń zańnamasymen ekonomıkalyq tergep-tekserý qyzmetiniń quzyretine jatqyzylǵan ózge de qylmystardy anyqtaý, aldyn alý, ashý, jolyn kesý jáne tergep-tekserý kiredi.
Qyzmetkerlerdiń bastapqy jalaqysy qandaı bolady?
Qyzmetkerlerdiń eń tómengi jalaqysy (laýazymdyq jalaqysy) 156 myń teńgeni quraıdy.
Bul rette quqyq qorǵaý organdary qyzmetkerleriniń aqshalaı úlesi laýazymdyq jalaqydan, sondaı-aq arnaýly ataǵy úshin 38 225 teńgeden bastap qosymsha aqylardan, qyzmet ótkerýdiń erekshe jaǵdaılary, synyptyq biliktiligi úshin ústemeaqylardan jáne jalaqynyń 10-nan bastap 50%-ǵa deıingi mólsherinde basqa da tólemderden quralady. Sondaı-aq, Jumys nátıjeleri úshin syıaqy tóleý júıesi qarastyrylǵan, saýyqtyrýǵa arnalǵan járdemaqy tólene otyryp, eńbek sińirgen jyldaryna sáıkes 30 jáne odan artyq kúntizbelik kún kóleminde demalys beriledi.
Eger Siz ózińizdi laıyqty sanasańyz:
1. Memlekettik qyzmet isteri agenttiginde quqyq qorǵaý organdaryna arnalǵan zańnamany bilý deńgeıine testiden ótý kerek (silteme).
2. Barlyq qatysýǵa erik bildirýshiler 2021 jylǵy 7 aqpannan 7 naýryzǵa deıin (qosa alǵanda) silteme boıynsha saýalnama toltyrýy qajet.
3. HR qyzmetten aldaǵy ýaqytta 2 jáne 3 kezeńderdi ótý boıynsha áreketterin kútý. Suraqtar, jaýaptar jáne keri baılanys áleýmettik jelide júrgiziledi.
Kandıdattar quqyq qorǵaý qyzmetine qabyldaný kezinde quqyq qorǵaý qyzmetina atqarýǵa baılanysty shekteýlerdi jáne sybaılas jemqorlyqqa qars shekteýlerdi qabyldaýǵa daıyn bolýy tıis.