QR Ǵylym jáne joǵary bilim mınıstri ánshi Dımash Qudaıbergenmen kezdesip, jastar shyǵarmashylyǵyn damytý jóninde pikir almasty, dep habarlaıdy Almaty-akshamy.kz Inform.kz-ke silteme jasap.
«Álemge áıgili ánshi stýdenttik shyǵarmashylyqty damytý jáne stýdent jastardyń qatysýymen bolatyn jobalary jónindegi ıdeıalarymen bólisti. Sonymen qatar shyǵarmashylyq ındýstrıa jáne mádenıet salasyndaǵy menedjment salasyna qajetti kadrlar daıarlaý máselesi de talqylandy», - dep jazdy mınıstr Instagram-da.⠀
S.Nurbektiń aıtýynsha, ánshiniń usynǵan ıdeıalary mınıstrlikte qaralatyn bolady.
«Dımash Qudaıbergenniń usynǵan ıdeıalaryn biz Ǵylym jáne joǵary bilim mınıstrliginiń jumysy barysynda mindetti túrde eskeretin bolamyz.⠀Aldaǵy ýaqytta da baılanysymyzdy úzbeı, únemi pikir almasyp turatyn bolyp kelistik. Dımash óz múmkindikteri men kúsh-jigerin ǵylym men bilimdi nasıhattaýǵa salýǵa daıyn ekendigi biz úshin óte qýanyshty», - deıdi vedomstvo basshysy.