Ortalyqtandyrylǵan basqarý júıesi jumys tıimdiligin arttyrýǵa tyń serpin beredi dep kútilýde.
Avtojol salasyn reformalaý sheńberinde «QazAvtoJol» UK» AQ «Qazaqavtojol» JSHS-men biriktiriledi, dep habarlaıdy Almaty-akshamy.kz
Indýstrıa jáne ınfraqurylymdyq damý mınıstrliginiń baspasóz qyzmetiniń habarlaýynsha, qaýly jobasy Úkimetke tamyz aıynda engiziletin bolady.
Úkimettiń keńeıtilgen otyrysynda Memleket basshysy Qasym-Jomart Toqaev Qazaqstanda biryńǵaı avtojol kompanıasyn qurýdy tapsyrǵan bolatyn. Osyǵan oraı búginde arnaıy jumys toby qurylyp, iske kiristi. Sonymen qatar «Respýblıkalyq menshiktiń keıbir máseleleri týraly» QR Úkimetiniń Qaýlysyna túzetýler engizý boıynsha joba daıarlanýda.
«QazAvtoJol» ulttyq kompanıasy men «Qazaqavtojol» JSHS biriktirý týrasyndaǵy Prezıdent tapsyrmasyn iske asyrý boıynsha qurylǵan jumys toby iske kiristi. Jaqyn arada sońǵy 10 jylda júzege asyrylǵan avtojol jobalaryn tekserý jónindegi komısıa qurylatyn bolady. Komısıa quramyna memlekettik jáne prokýratýra organdary men «Atameken» ulttyq kásipkerler palatasynyń ókilderi kiredi», – dedi Indýstrıa jáne ınfraqurylymdyq damý mınıstri Qaıyrbek Óskenbaev Úkimet otyrysynda.
Ortalyqtandyrylǵan basqarý júıesi jumys tıimdiligin arttyrýǵa tyń serpin beredi dep kútilýde. Respýblıkalyq mańyzy bar joldardyń sapasy úshin jaýapkershilik biryńǵaı operatorǵa júkteledi.