6 qarashada, «QazAvtoJol» ulttyq kompanıasynyń baspasóz qyzmeti respýblıkalyq mańyzdaǵy joldarda aýa raıynyń kúrt nasharlaǵanyn habarlady, dep habarlaıdy Aqshamnews.kz tilshisi.
Sınoptıkterdiń málimetinshe, Aqmola, Shyǵys Qazaqstan, Soltústik Qazaqstan, Qaraǵandy, Qostanaı, Pavlodar, Abaı jáne Jetisý oblystarynda jaýyn-shashyn (jańbyr, qar) kútiledi. Mundaı aýa raıy kóktaıǵaqtyń paıda bolýyna, kóriný qashyqtyǵynyń nasharlaýyna jáne JKO qaýpiniń artýyna ákelýi múmkin.
«QazAvtoJol» júrgizýshilerge jyldamdyqty tómendetip, qaýipsiz qashyqtyqty saqtap, jol qozǵalysy qaýipsizdigi erejelerin qatań ustanýdy eskertedi. Ásirese kópirlerde, eńis-bólimderde jáne muz qaýpi joǵary ýchaskelerde asa muqıat bolý usynylady.
Joldardyń jaı-kúıi týraly jedel aqparat alý úshin táýlik boıy jáne tegin jumys isteıtin 1403 koll-ortalyǵyna habarlasýǵa bolady. Dıspecherler joldyń jabyq ýchaskeleri, bógelister jáne aýa raıy jaǵdaıy boıynsha málimet beredi.