Atalmysh kórmege álemniń 50-den astam eliniń týrısik ókilderi jınaldy.
Qazaqstan Elshiligi Izraıldiń ekonomıkalyq jáne mádenı ómiriniń kúntizbesindegi mańyzdy oqıǵalardyń biri – 28-shi Týrızm boıynsha halyqaralyq jerorta teńizi kórmesinde (IMTM 2022) kıiz úı ekspozısıasyn ashty, dep habarlaıdy Almaty-akshamy.kz QR SİM baspasóz qyzmetine silteme jasap.
Koronavırýs pandemıasy bastalǵannan beri alǵash ret offlaın formatta ótken kórmege birneshe myń qonaqtar, sondaı-aq álemniń 50-den astam eliniń týrısik ókilderi jınaldy. Týrısik jármeńkeni Izraıl Prezıdenti Ishak Gersog ashty.
Qazaq kıiz úıi is-shara qonaqtarynyń erekshe iltıpatyna bólendi, al Izraıldiń Týrızm mınıstri Ioel Razvozov ekspozısıany alǵashqylardyń biri bolyp tamashalady.
Kórmege kelýshiler qazaq halqynyń salt-dástúrlerimen tanysyp, kıiz úı elementteriniń qasıetti maǵynasy týraly bilip, qazaq taǵamdarynyń dámin tatyp, ulttyq kıimderdi kıip kórip, qazirgi Qazaqstannyń tabıǵaty, sáýleti men turǵyndary beınelengen fotosýretterdi tamashalap, dombyranyń áýenine qulaq túrdi.
IMTM Shyǵys Jerorta teńizi aımaǵyndaǵy týrızm salasyndaǵy eń iri kórme bolyp tabylady jáne Izraıldiń týrızm mınıstrligi, Qonaq úıler qaýymdastyǵy, Týrısik agenttikter qaýymdastyǵy jáne Izraıl týroperatorlar qaýymdastyǵynyń keń qoldaýymen ótedi.