Ótken jyly fılosof-aqyn Abaı Qunanbaıulynyń 175 jyldyq mereıtoıy Qazaqstan Prezıdenti Qasym-JomartToqaevtyń bastamasymen álemdik jáne ulttyq deńgeıde atalyp ótti.
Osyǵan oraı L.N.Gýmılev atyndaǵy Eýrazıa ulttyq ýnıversıteti «Abaı akademıasy» ǵylymı-zertteý ınstıtýty uly aqynnyń ótken jylǵy tarıhı mereıtoıynyń sharalaryn júıelep, álbom-jınaq shyǵardy, dep habarlaıdy Almaty-akshamy.kz
«Aıqyn» basylymy jazǵandaı, «Abaı mereıtoıy» dep atalatyn derekti-tanymdyq eńbek A.Qunanbaıulynyń 175 jyldyq mejesiniń tynysy men aıryqsha sátterin qamtyǵan.
Qazaqtyń bas aqynynyń toıy – Táýelsiz Qazaqstan rýhanı jańǵyrýynyń beldi sharasy bolsa, jınaq ta eldiń dana rýhyna taǵzymyn, mereıtoı erekshelikterin dálelmen jan-jaqty kórsetip, kórnekilik pen aqparattyq negizdi qatar ustanǵan.
«Abaı mereıtoıy» jınaǵy Táýelsiz Qazaqstandaǵy mádenı-rýhanı qundylyqtarǵa degen yqylas pen qurmetti, zertteý men zerdeniń jańa belesin aıqyndaıdy.