Baǵa óspeıdi.
Benzın arzandaýy múmkin be degen suraqqa Energetıka mınıstri Bolat Aqsholaqov jaýap berdi, dep habarlaıdy Almaty-akshamy.kz
«Qazaqstan TMD elderi men dúnıe júzinde benzın baǵasynyń arzandyǵy boıynsha alǵashqy bestikke kiretininen bastaıyq. Bul bestikke naryqtyq qatynas múlde joq elder kiredi», - dedi Aqsholaqov.
Mınıstr Qazaqstandaǵy munaı ónimderi baǵasynyń tómendigi kórshiles memleketterge úlken kólemde ruqsatsyz tasymaldanýy sebebinen bolǵanyn aıtty.
«Byltyr ne sebepti tapshylyq kórdik? Óıtkeni eksportqa tyıym salynǵanyna qaramastan, munaı ónimderi shekaradan baqylaýsyz tasymaldandy. Reseıdiń munaı ónimderi arzan bolýy múmkin, biraq qazir qymbattady, óıtkeni Qazaqstan men Reseıdegi baǵa arasynda óte úlken alshaqtyq boldy – shamamen 100 teńge. Reseılik ónim bizdikinen arzandap, naryqty toltyryp jatqany baıqalmaıdy», - dedi mınıstrlik basshysy.
Aqsholaqovtyń aıtýynsha, AI-92 jáne AI-93 baǵasy 192 teńge, AI-95 215 teńge, bir lıtr dızel 230-260 teńge deńgeıinde qalady.
«Aksızge keletin bolsaq, munaı ónimderin satý kezinde marjanyń belgili bir bóligin alǵan ónimsiz deldaldardy alyp tastaý uıǵaryldy. Marjanyń bul úlesi aksızder túrinde memleketke túsedi. Baǵa óspeıdi. Jańa aksızder qoldanylǵandyqtan, baǵa kóterilmeıdi, biraq onyń tómendeýi de ekitalaı. Baǵa áli de saqtalyp tur», - dep túıindedi mınıstr.