Komıtet Sporttyq arbıtrajdyq sottyń sheshimderin qurmetteıdi.
Qazaqstan Ulttyq Olımpıadalyq komıteti 2016 jyly Rıo-de-Janeıroda ótken jazǵy Olımpıada oıyndarynyń jeńimpazy ziltemirshi Nıjat Rahımovqa qatysty óz málemdemesin jasady, dep habarlaıdy Almaty-akshamy Olympic.kz silteme jasap.
«Halyqaralyq Olımpıada komıtetinen Qazaqstan Ulttyq Olımpıadalyq komıtetine 2016 jyly Rıo-de-Janeıroda ótken Jazǵy Olımpıada oıyndarynyń jeńimpazy, ziltemirshi Nıjat Rahımovty altyn medalinen (77 kelige deıingi salmaq dárejesi) aıyrý týraly resmı habarlama túsken joq. Qosymsha aqparat bolǵan jaǵdaıda Qazaqstan UOK resmı málimdemeıdi», - delingen UOK málimdemesinde.
Qazaqstan UOK Sporttyq arbıtrajdyq sottyń (CAS) sheshimderin qurmetteıdi.
QR UOK Halyqaralyq Olımpıada komıteti (HOK) men Dúnıejúzilik dopıngke qarsy agenttiktiń (WADA) dopıngke múldem tózbeýshilik jáne «taza» sportshylardy qorǵaý jónindegi saıasatyn qoldaıdy. Qazaqstan UOK dopıngke qarsy kúreste HOK erejeleri men belgilengen normalaryn saqtaý saıasatyn júzege asyrady jáne Olımpıadalyq hartıa men Dúnıejúzilik dopıngke qarsy kodeksti moıyndaıdy, sonymen qatar jahandyq dopıngke qarsy qozǵalystyń múshesi bolyp tabylady.
Qazaqstan Respýblıkasynyń «Dene shynyqtyrý jáne sport týraly» zańy da dopıngke qarsy halyqaralyq saıasatty qoldaıdy jáne ony buzǵany úshin sportshy men onyń kásibı sporttyq qyzmetimen birge júretin adamdardy jeke jaýapkershilikke tartýdy kózdeıdi.
Esterińizge sala ketsek, Olımpıada chempıony Nıjat Rahımov medalinen aıyrylýyna qatysty pikir bildirgen bolatyn.
«Dostar, Naýryz merekesi kúnderi dopıngke qarsy CAS departamentiniń 2016 jyly alynǵan baqylaý synamasyna qatysty sheshimi kóńilimdi túsirip jiberdi. Byltyr tamyz aıyndaǵy tyńdaýlar kezinde ol jaǵdaıǵa esh qatysym joq ekenin aıttym. Biraq, ókinishke qaraı, arbıtr dálelderimdi qabyldamapty», - dep jazdy Instagram-daǵy paraqshasynda Nıjat Rahımov.