Otandyq vaksınany saldyrýshylar qatary artyp keledi.
Elimizdiń mamandary oılap tapqan tehnologıamen jasalyp, Jambyl oblysynda óndirilip jatqan QazVas vaksınasyn búginge deıin 300 myńnan astam qazaqstandyq alyp úlgergen, dep habarlaıdy Almaty-akshamy.kz. Soronavirus2020.kz saıtyna silteme jasap.
Bul týraly koronavırýs pandemıasymen kúres jónindegi «El úshin egilemin» azamattyq shtabynyń Facebook-tegi paraqshasynda jazyldy. Jazbada keltirilgen málimet boıynsha, koronavırýs pandemıasymen kúres jónindegi «El úshin egilemin» azamattyq shtabynyń ókilderi «Bıologıalyq qaýipsizdik problemalary ǵylymı zertteý ınstıtýtynyń mamandarymen kezdesip, otandyq vaksına shyǵaratyn «OtarBıoFarm» zaýytyna bas suqqan.
«Qazir zaýyt jabdyqty valıdasıalaý rejıminde jumys istep tur. Qyrkúıekte shtattyq jumys rejımine kóshse, jyl sońyna deıin QazVac-tyń 2 mln dozasyn shyǵarý josparlanyp otyr», - dep jazylǵan shtab taratqan málimette.
Shtab ókilderi ınstıtýttyń bas dırektory, bıologıa ǵylymdarynyń doktory, QR jaratylystaný ǵylymdary akademıasynyń akademıgi Kúnsulý Zakarıanyń otandyq vaksınanyń múmkindigi týraly aıtqan málimetterin ortaǵa salyp otyr.
«Mamannyń aıtýynsha, qazir elimizde 300 myńnan astam qazaqstandyq QazVac vaksınasynyń 2 dozasyn alǵan. Ázirge birde-bir ólim oqıǵasy tirkelmegen. Bul otandyq vaksınanyń senimdiligine kepildik beretinin rastaıdy», - dep jazylǵan shtabtyń aqparatynda.