Halyq sanaǵynan onlaın ótý múmkindigi qaıta qoljetimdi, dep habarlaıdy almaty-akshamy.kz Ulttyq statısıka búrosynyń baspasóz qyzmetine silteme jasap.
Sanaqtan onlaın ótý múmkindigi toqtatylǵan soń, elimizdiń barlyq óńirlerinen, ásirese qalalardan onlaın sanaq fýnksıasy merzimin uzartý týraly kóptegen ótinish túse bastady. Osyǵan baılanysty sanaq.gov.kz saıtynda onlaın saýalnama fýnksıasyn qaıta qosý týraly sheshim qabyldandy, - delingen habarlamada.
Sanaq saýaldaryna arnaıy sanaq.gov.kz saıty, E-Gov portaly arqyly tirkelip nemese Aitu mobıldi qosymshasy arqyly jaýap berýge bolady. Onlaın ótý múmkindigi halyq sanaǵy aıaqtalǵanǵa deıin qoljetimdi bolmaq.
Aıta keteıik, 1 qyrkúıek pen 15 qazan aralyǵynda onlaın-sanaq fýnksıasyn azamattardyń 40 paıyzǵa jýyǵy paıdalanǵan. 1 qazannan bastap ıntervúerler úı-úıdi aralaýdy bastady. Olar qazirdiń ózinde 5 938 259 adamǵa saýal salý júrgizdi. Onlaın ótken respondentter kelgen habarlamany ıntervúerlerge kórsetýi tıis. Olarmen saýalnama qaıta júrgizilmeıdi.
Ulttyq statısıka búrosy on jyldyqtyń mańyzdy sharasyna at salysýǵa shaqyra otyra belsendilik tanytyp, halyq sanaǵyna qatysqan azamattarǵa alǵys aıtady. Qazaqstanda árkim mańyzdy!