Festıvál 26 qarashaǵa deıin jalǵasady
Qazaqstandyq «Tomırıs» fılmi 27-shi «Listapad» kınofestıvalinde kórsetiledi, dep habarlaıdy Almaty-akshamy.kz «Qazaqfılmge» silteme jasap.
Sháken Aımanov atyndaǵy «Qazaqfılm» kınostýdıasy taratqan málimetke sensek, búgin halyqaralyq Mınsk kınofestıvaliniń ashylý saltanaty ótedi.
«Listapad» - Belarýstegi kıno salasynyń eń iri festıválderiniń biri. Bıyl festıvál 26 qarashaǵa deıin jalǵasady.
«Listapad» festıvaliniń konkýrstyq baǵdarlamasy tórt bólimnen turady: kórkem fılmder, derekti fılmder, ulttyq baıqaý jáne «Listapadzik» balalar men jasóspirimder aýdıtorıasyna arnalǵan fılmder baıqaýy.
Eske sala keteıik, biz buǵan deıin túrik telearnasy «Tomırıs» fılminiń jelisimen serıal túsiretinin jazǵan bolatynbyz.
Qazaqstan men Túrkıa «Qazaqfılm» kınostýdıasy Sataifilm kompanıasymen birlesip túsirgen, rejıser Aqan Sataevtyń «Tomırıs» fılminiń negizinde birlesken tarıhı serıal shyǵarady.
Jobany Túrkıanyń jetekshi telearnasy TRT teleradıokorporasıasy júzege asyrmaq.