Qazaqstandyq sportshy Adelaıda Pchelınseva 50 metrge bras tásilimen júzý jarysynda top jaryp, Islam yntymaqtastyq oıyndarynyń altyn medalin jeńip aldy. Sondaı-aq, osy jarystyń rekordyn jańartty, dep habarlaıdy Almaty-akshamy.kz Inform.kz-ke silteme jasap.
«El qorjynynda 13-inshi altyn medal jáne Islam yntymaqtastyq oıyndarynyń rekordy!
Fınalda Adelaıda Pchelınseva bras tásilimen júzýde 50 m qashyqtyqty 31.71 sekýnd ýaqytta baǵyndyryp Islam oıyndarynyń rekordyn jańartty. Otandasymyz óziniń sheberlik deńgeıin kórsetip, qarsylas shaq keltirmedi. Túrkıa eliniń sportshylary Gúnesh pen Samanchıdi kúmis jáne qola medal aldy, al jerlesimiz altyn medaldy oljalady» delingen habarlamada.