Jas ánshi «Qazaqpyn» ánin shyrqap, eń joǵary upaı jınaǵan.
10 jastaǵy Ramına Satybaldy Armenıa astanasynda ótken halyqaralyq án baıqaýyna Qazaqstan atynan qatysyp, bas júldeni jeńip aldy, dep habarlaıdy Almaty-akshamy.kz.
Jas ánshi Erevan tórinde «Qazaqpyn» jáne «Wrecking ball» ánderin shyrqap, eń joǵary upaı jınaǵan. Bul jeńisi arqyly ol Italıada ótetin «Viva Italia» baıqaýyna joldama alyp otyr. Aıta ketsek, «Golden Voice» atty baıqaýǵa AQSH, Reseı, Armenıa, Estonıa, Lıtva sıaqty birneshe eldiń 100-den astam úmitkeri qatysqan.
«Boztorǵaı» jáne «Shattyq» halyqaralyq baıqaýlarynyń dırektory, Halyqaralyq baıqaýlar men festıválder qaýymdastyǵynyń múshesi, «Slavánskıı bazar v Vıtebske» halyqaralyq óner festıvalindegi Qazaqstannyń resmı ókili Qarlyǵash Ábdikárimova habarlasyp, Ramına Qazaqstannyń atynan shyǵady dep aıtty. Qatty qýandyq, birden «Baramyz!» dedik. Dımash Qudaıbergen, Rýhıa Baıdúkenova sıaqty qazaq óneriniń maqtanyshtaryn alǵashqy iri baıqaýlarǵa alyp shyqqan bilikti mamannyń nazary bizdiń qyzymyzǵa aýǵanyna qatty qýanyshtymyz. Onyń Ramınaǵa qoıǵan «Barbı» degen laqap aty qazir keńinen taralyp ketti. Bári qyzymyzdy «Qazaq Barbıi» dep tanıdy», - dedi ánshiniń anasy Raýan Mirjúsipova.