Qazaqstandyqtar Dohada (Katar) sporttyq gımnastıkadan ótken Azıa chempıonatynda eki medal jeńip aldy, dep habarlaıdy Almaty-akshamy.kz Inform.kz-ke silteme jasap.
Qazaqstan gımnastıka federasıasynan málim etkenindeı, Narıman Qurbanov at snarádynda 14.800 upaımen kúmis júldege ıe boldy. Munda ıordanıalyq gımnast (15.255) jeńiske jetse, qytaılyq sportshy (14.600) qola medalǵa ıe boldy.
Sondaı-aq, Mılad Karımı kermedegi jattyǵýdan 14.133 bal jınap, qola júldeger atandy. Azıa chempıonatynda qazaqstandyq qyzdar da jaqsy óner kórsetti. Qol tirep sekirýde Dará Iasınskaıa tórtinshi, Kórkem Erbosynqyzy altynshy orynǵa taban tiredi.
Osylaısha, sporttyq gımnastıkadan Qazaqstan ulttyq quramasy bıyl 28 qazan – 6 qarasha aralyǵynda Lıverpýlda (Ulybrıtanıa) ótetin álem chempıonatyna joldama aldy.
Aıta keteıik, Mılad Karımı ótken jyly Tokıo olımpıadasynda baq synaǵan bolatyn.