Bul týraly mınıstr Asqat Aımaǵambetov aıtty.
Qazaqstannyń Bilim jáne ǵylym mınıstri Asqat Aımaǵambetov barlyq balabaqshalarda mindetti túrde beınekamera bolýy kerektigin aıtty, dep habarlaıdy Almaty-akshamy.kz Aikyn.kz silteme jasap.
2011 jyldary balalardy balabaqshamen qamtý kólemin arttyrý maqsatynda beınebaqylaý kameralary alynǵan. Bul týraly Bilim jáne ǵylym mınıstri Asqat Aımaǵambetov «Eýrazıa» birinshi arnasynyń «Aına» baǵdarlamasyna bergen suhbatynda aıtty.
Mınıstrdiń aıtýynsha, shaǵyn bıznes, balabaqshalardy kóbeıtý kerek, oǵan eshqandaı kedergi bolmaý kerek degen prınsıptiń saldarynan mekemelerdiń talaby tómendetilgen. Endi ol jańa buıryqqa qol qoıatynyn eskertti.
«Bul bizdiń bıznesimiz» dep jekemenshik balabaqshalar munymen kelispeı jatyr. Árıne, bul bıznestiń damyǵanyn qoldaımyz, biraq biz bir máseleni túsinýimiz kerek. Bizge ne kerek? Balalar sapaly bilim, sanaly tárbıe alýy tıis. Olar qaýipsiz ortada ómir súrýi kerek. Sondyqtan biz bárin túsinemiz, biraq talaptardy qataıtamyz. Barlyq balabaqshalarda mindetti túrde beınekamera bolýy kerek», – dedi Asqat Aımaǵambetov.
Mınıstr ótken jyldyń sońynda balabaqshalarǵa tekserý júrgizý qaıta qolǵa alynǵanyn aıtty. Nátıjesinde balabaqshalardyń 80 paıyzy tekseristen óte almaǵan.