19 shetel azamaty kúdikti retinde ustalǵan.
Qazaqstannyń Bas prokýratýrasy Qylmystyq isterdi qadaǵalaý qyzmetiniń bastyǵy Serik Shalabaev qańtar oqıǵasy kezinde ustalǵan sheteldikterdiń qandaı kúdikke ilingenin málim etti, dep habarlaıdy Almaty-akshamy.kz QazAqparatqa silteme jasap.
«Terorızm jáne jappaı tártipsizdikke qatysý kúdigi boıynsha ustalǵandardyń arasynda shetel azamattary boldy ma?» - dep surady depýtat Asqarbek Úısimbaev Májilistiń jalpy otyrysynda.
Bas prokýratýra ókiliniń aıtýynsha, qazir 19 shetel azamaty kúdikti retinde ustalǵan.
«Búgingi tańda bizde qylmystyq óndiris boıynsha jalpy 19 sheteldik azamat bar. Onyń basym kópshiligi, ıaǵnı 11-i – Ózbekstan azamattary, tórteýi Reseıden, ekeýi Qyrǵyzstannan jáne Qytaı Halyq Respýblıkasy men Tájikstannan 1 adamnan bar. Bul azamattardyń is-áreketteri jappaı tártipsizdikterge qatysý boıynsha urlyq jáne basqa da qylmystarmen dárejelenedi. Árıne, bul málimetter túpkilikti emes. Tergeý júrip jatyr, ózgerýi múmkin», - dedi Serik Shalabaev.