Almaty qalasynyń Qūrylys basqarmasy áleumettík jelíler men BAQ-ta taraǵan K.Sátbaev atyndaǵy №56 mektep-gımnazıya ǵımaratyn súru turaly aqparattyń shyndyqqa janaspaıtynyn habarlady.
«Mektepte seısmıkalyq kúsheıtu jáne kúrdelí jóndeu jūmystary júrgízílíp jatyr. Qoldanystaǵy ǵımarattardy súru qarastyrylmaǵan. Sonymen qatar ǵımarattyń tarıhı qasbetí saqtalady», – dedí basqarma ókílderí.
Joba ayasynda qazírgí zamanǵy bílím beru standarttaryna saı oqu keńístíkterín qūru kózdelgen.
Negízgí jáne beıíndík pánder boıynsha sabaq ótkízuge arnalǵan synyptar, zerthanalar men kabınetter jańartylady. Hımıya, fızıka jáne bıologıya kabınetterí zamanauı zerthanalyq qūral-jabdyqtarmen qamtamasyz etílíp, oqushylarǵa tájírıbelík daǵdylardy meńgeruge jáne zertteu jūmystaryn júrgízuge múmkíndík beredí.
Joba qūramynda kópfunktsıonaldy sport keshenín salu da bar. Mektep aumaǵynda ashyq sport alańdary paıda bolady.
Sonymen qatar keń demalys aımaqtary, zamanauı ashana, kítaphana, oqu zaldary jáne multımedıyalyq qūraldarmen jabdyqtalǵan úıírme bólmelerí qarastyrylǵan.
«Qūrylys-montaj jūmystary 2026 jyly sáuírde ayaqtalady dep josparlanǵan. Bas merdíger – «Astana-Stroıınvest»korporatsıyasy JShS», – dep málímdedí basqarma mamandary.