Úsh kartınanyń jeke kórsetilimi ótti
Bul – jetkinshekterdiń eseıýi kezeńindegi máselelerdi qozǵaıtyn «Keste» fılmi, «1941 jyldyń jazy» atty tarıhı kartına jáne «Zere» dramasy, dep habarlaıdy Almaty-akshamy.kz
«Qazaqstan kınematografynyń tynysyn kórsetýge keldik. Bul – negizinen áleýmettik mańyzy bar fılmder. Memleket osy syndy qoǵamdy tolǵandyrǵan máselelerdi kóteretin fılmderdi qarjylandyrýǵa erekshe kóńil bólip otyr», - dedi kınoortalyq basqarmasy tóraǵasynyń orynbasary Baýyrjan Shókenov.
«Joǵary deńgeıde túsirilgen túrli janrdaǵy fılmdi kórdik. Reseı ásirese, qazaq komedıalaryn unatady. Pandemıa kezinde barlyǵymyz úıde otyryp tamashaladyq. Árıne, qazaqstandyq kıno aýqymdy tarıhı qoıylymdarymen de áıgili. Máselen, "Tomırıs" fılminiń Reseıde shyǵýyn kútip, kartınany ınternet platformalardan kórdik», - dedi «Reseı kınobıznesi» forýmynyń bas dırektory Ekaterına Bordachóva.
Sharaǵa qatysýdyń basty maqsaty – prokat kompanıalary men strımıng platformalaryna fılmder usyný. Qazirgi kezde osyndaı platformalardyń qarjylyq tıimdiligi úlken ekrandarda kórsetiletin fılmderdiń tabysynan kem túspeıdi.