Óńirler arasynda ortasha jalaqynyń eń kóp ósimi Ulytaý oblysynda tirkeldi
Ulttyq statısıka búrosy usynǵan derekterge sáıkes, Qazaqstan boıynsha aılyq jalaqynyń ortasha máni 2022 jyldyń tórtinshi toqsanynda (shaǵyn kásiporyndardy eseptemegende) 338 715 teńgeni qurady, dep habarlaıdy Almaty-akshamy.kz Zakon.kz-ke silteme jasap.
"IV toqsandaǵy ortasha jalaqynyń ósimi jyl sońyndaǵy syılyqaqylar men merekelik tólemder esebinen jalaqy qorynyń ulǵaıýymen baılanysty. Ortasha jalaqyny esepteý kezinde jalaqy qory kólemi jumysshylar sanyna qaraı bólinedi. Bul málimetterdi biz qyzmetkerler sany jáne jalaqy qory boıynsha búroǵa esep bergen kásiporyndar men uıymdardan alamyz. Alynǵan derekterge kásipkerlik qyzmetpen aınalysatyn shaǵyn kásiporyndardy qamtymaıtynyn ataı ketken jón", - dep túsindirdi búronyń eńbek statısıkasy jáne ómir súrý deńgeıi departamentiniń dırektory Natalá Belonosova.
Onyń aıtýynsha, ortasha aılyq jalaqynyń eń kóp ósimi qurylys salasynda (42%), baspanany jalǵa berý jáne tamaqtaný qyzmetterinde (32,6%), aqparat pen baılanys qyzmetinde (31,9%) tirkelgen.
2021 jyldyń IV toqsanymen salystyrǵanda aılyq jalaqynyń ortasha mániniń tómen bolýy ózge de qyzmet túrlerin usyný salasynda (2,4%-ǵa) baıqaldy.
Óńirler arasynda ortasha jalaqynyń eń kóp ósimi Ulytaý oblysynda tirkeldi - 35,2%. Eń az ósim Almaty oblysynda baıqaldy - 6,5%.
Bul rette tórtinshi toqsandaǵy ortasha jalaqy kólemi 204 168 teńgeni qurady.
Ulttyq statısıka búrosy İ toqsanda jalaqynyń ortasha máni 285 433 teńgeni, İİ toqsanda 312 011 teńgeni, İİİ toqsanda 299 782 teńgeni quraǵanyn eske saldy.