Barsha álem halqy baqytty bolsyn!
Qazaqstandyq tanymal ánshi Dımash Qudaıbergen «Stranger» álemdik týrnesinen túsken qarajattyń bir bóligin Túrkıada qýatty jer silkinisinen zardap shekkenderge aýdarady, dep habarlaıdy Almaty-akshamy.kz.
«Qazaq halqyna baýyrlas, aǵaıyn el bolyp sanalatyn Túrkıadaǵy, Sırıadaǵy jáne basqa da elderde tabıǵattyń zalalynan kóptegen adamnyń qaza tapqanyn estidik. Árıne, zor kúızelispen qabyldap otyrmyz. Barlyq dúnıe salǵan adamdardyń jaqyndaryna qaıǵyra kóńil aıtamyz. Aýyr halde kúı keship jatqan baýyrlarymyzǵa tezirek saýyǵyp ketýin tileımiz», - dedi qazaqstandyq ánshi óziniń Instagram paraqshasynda.
Ánshi álem dep atalatyn ortaq úıimizdiń amandyǵyn tiledi.
«Ár otbasyna amanshylyq tileımin. Aspanymyz ashyq, álem atty ortaq úıimiz apat pen zilzaladan aman bolsyn! Elimizde, álemde tynyshtyq bolsyn! Barsha álem halqy baqytty bolsyn!» - deıdi Dımash Qudaıbergen.