Osy maqsatta aǵymdaǵy jyldyń sońyna deıin naqty sharalar qabyldanady.
Qazaqstan Úkimeti jyl sońyna deıin veterınarıa júıesin reformalaý jóninde naqty sharalar qabyldaýy kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jarıalaý kezinde málim etti, dep habarlaıdy Almaty-akshamy.kz.
«Veterınarıa salasyn da jetildirý qajet. Bul salada ortalyq pen óńirler arasynda mindetter men quzyretter naqty bólinýi kerek. Mal basynyń amandyǵy jáne ónimdiligi jergilikti veterınarlardyń tıimdi jumysyna baılanysty. Bul, túptep kelgende, aýyldaǵy aǵaıynnyń ál-aýqatyna tikeleı áser etedi. Veterınarıa qyzmeti qazirgi zaman talabyna saı bolmasa, aýyl sharýashylyǵy ónimderiniń eksportyn arttyrý múmkin emes», - dep qadaı aıtty Memleket basshysy.
Osy oraıda Prezıdent bul salada júıeli jumys atqarylýy tıis ekenin atap ótti. Atap aıtqanda, úderisterdi sıfrlandyrý, málimet jınaý ári ony avtomattandyrý, maman daıarlaý jáne olardyń jalaqysyn kóbeıtý sharalaryna baılanysty Úkimet jyl sońyna deıin veterınarıa júıesin reformalaý jóninde naqty sharalar qabyldaýy kerek.