Memleket basshysy Qasym-Jomart Toqaev elimizdegi azyq-túliktiń baǵasynyń negizsiz ósýin synǵa aldy, dep habarlaıdy almaty-akshamy.kz.
«Qazaqstannyń agrarlyq áleýeti týraly kóp aıtylady. Degenmen AÓK salasynda másele az emes. Aldymen ol - baǵanyń jónsiz ósýi men taýar ónerkásibi jumysyn durys úlestirý. Men buǵan deıin elimizde kóterme úılestirý jelisin qurýdyń mańyzdylyǵy týraly aıtqan bolatynmyn. Bul mindet júzege asý deńgeıinde tur. Usaq aýyl sharýashylyq taýar óndirýdi sol jelimen qamtamasyz etý kerek. Sol arqyly aýyl sharýashylyǵy taýar óndirýshilerdiń óz sharýashylyǵy bolady. Bul salada monopolıaǵa jol joq», - dedi Qasym-Jomart Toqaev.
Sondaı-aq, Memleket basshysy taýar óndirýshiler baǵa turaqtylyǵyn saqtaý úshin, olarǵa arnalǵan biryńǵaı baqylaýdyń kerektigin aıtty.
«Jaýapkershilikti aýmaǵyn shektep, bir ǵana negizgi organdy belgileip, ol naqty reglamentpen bekitilýi tıis. Qazir bul suraqqa birneshe organ jaýapty. Baǵa ósken sátte olar taldaý jasap, tıisti sharalardy qabyldaýdyń ornyna bir-birine siltep otyrady. Baǵany retteý máselesin jónge keltirý kerek. Bul rette Úkimet bir aıdyń ishinde sheshim qabyldaýy tıis», - dedi Memleket basshysy.