Ol - otbasyndaǵy zorlyq-zombylyq máselelerimen aınalysqan zańger.
«Qazaq analary — dástúrge jol» qoǵamdyq birlestigi prezıdent saılaýyna Saltanat Tursynbekovanyń kandıdatýrasyn usyndy, dep habarlaıdy Almaty-akshamy.kz
«Iá, búgin meni prezıdenttikke usyndy. 11 qazan úmitkerlerdi usynýdyń sońǵy kúni ekenin bilemiz. Biraq jumys kúni keshki saǵat 18:00-ge deıin ǵoı, ýaqyt áli bar. Zań boıynsha búgin qujat tapsyramyz», - dedi Tursynbekova Sputnik Qazaqstan tilshisine bergen suhbatynda.
Zańger Saltanat Tursynbekova otbasyndaǵy zorlyq-zombylyq máselelerimen aınalysqan. Áıelge qol kóteretin basbuzarlardy qoǵamdyq baqylaý ınstıtýttaryn qurý bastamasyn da kótergen.
Tursynbekova Astana qalasynyń qoǵamdyq keńesine kiredi. Budan bólek, Prezıdent janyndaǵy áıelder isteri jáne otbasy-demografıalyq saıasat ulttyq komısıanyń múshesi.
Bas prokýrordyń mańyzdy ister jónindegi aǵa kómekshisi bolǵan. «Otbasyndaǵy zorlyq-zombylyqsyz Qazaqstan» jobasyna jetekshilik etti.