Salyq salasynda engizilgen kanıkýl kezinde óz jumysyn jaqsy júrgizgen shaǵyn kompanıalar sany 23 paıyzǵa ósti. Tek 2022 jyldyń ózinde bul kórsetkish 17 paıyzǵa artty, dep habarlaıdy Almaty-akshamy.kz.
«Qazaqstanda tirkelgen shaǵyn kompanıalar sany 2023 jyldyń basynda 498 myńǵa jetip, jyldyq ósim 5,3 paıyzdy qurady. Onyń ishinde 390,3 myń shaǵyn kásiporyn jumys istep turǵan, bir jylda olardyń sany 13,4 paıyzǵa ósti. Óz qyzmetinde jaqsy kórsetkishter bolǵan shaǵyn kompanıalar sany 2022 jyly birden 17,4%-ǵa ósip, 194,4 myńǵa jetti», - delingen Finprom.kz málimetinde. http://finprom.kz/ru/article/za-period-nalogovyh-kanikul-kolichestvo-aktivnyh-malyh-kompanij-vyroslo-na-23
2020 jylǵy 1 qańtardan bastap 2022 jyldyń sońyna deıingi kezeńde arnaýly salyq rejımderin qoldanatyn shaǵyn kásipkerlik sýbektilerine toqtalsaq, salyq salasyndaǵy kanıkýl kezinde tirkelgen shaǵyn kompanıalar sany 13,7%-ǵa artty. Osy oraıda jumys istep turǵandary 30,3 paıyzǵa, qyzmeti belsendi kompanıalar 22,6 paıyzǵa ósti.
Salyq tóleýden bosatýmen qatar, kásipkerlik sýbektilerin tekserýge de moratorıı engizildi.
Qyzmeti jaqsy júrip jatqan shaǵyn kompanıalar Almaty qalasynda tirkeldi, ıaǵnı 50,8 myńy osy shaharda jumysyn jalǵastyryp jatyr. Odan keıingi orynda Astana – 33,3 myń kompanıa. Sonymen qatar, jumysy qarqyndy shaǵyn kásipkerlik sýbektileriniń edáýir bóligi Qaraǵandy oblysyna (11,2 myń), Shymkent qalasyna (8,2 myń) jáne Pavlodar oblysyna (7,9 myń) tıesili.
Atalǵan shaǵyn kompanıalardyń kópshiligi saýda, avtomobıl men motosıklderdi jóndeý sektorynda jumys istep keledi. Odan keıingi orynda qurylys sektory tur. Bul úshtikke bilim berý salasy da endi.