Bul týraly ǵylym jáne joǵary bilim mınıstri Saıasat Nurbek málimdedi.
"Bolashaq" baǵdarlamasy aıasynda otandyq zertteýshilerdi Fransıanyń joǵary oqý oryndaryna jiberý múmkindigi keńeıtiledi, dep habarlaıdy Almaty-akshamy.kz
"Memleket basshylary deńgeıinde Qazaqstanda qazaq-fransýz ýnıversıtetin ashý máselesin pysyqtaý jóninde málimdeme jasalady. Biz jeke jumys tobyn quramyz, osy máseleni pysyqtaımyz", - dedi Nurbek Aqorda kýlýarynda.
Sondaı-aq, mınıstrdiń aıtýynsha, óńirlik ýnıversıtetterde Fransıanyń myqty joǵary oqý oryndaryn tartý arqyly zertteý kafedralaryn ashý múmkindigi talqylanady.
"Biz Abaı-Vern baǵdarlamasyn keńeıtemiz. Osy baǵdarlama aıasynda jyl saıyn fransýz tarapynan bizdiń magıstranttar men doktoranttardyń Fransıada oqýyna 30 grant bólinedi. Sol baǵdarlamany biz keńeıtemiz. Granttar sanyn 45-ke deıin ulǵaıtamyz", - dedi ǵylym mınıstri.
Budan bólek, "Bolashaq" baǵdarlamasy aıasynda otandyq zertteýshilerdi Fransıanyń joǵary oqý oryndaryna jiberý múmkindigi keńeıtiledi.
"Qosymsha Fransıanyń 13 jetekshi ýnıversıteti qosylady. Sonymen qatar prezıdenttiń bastamasymen bastalǵan 500 ǵylymı taǵylymdama baǵdarlamasy keńeıtiledi. Bizdiń tizimge Fransıanyń jetekshi 6 ǵylymı zertteý ortalyǵy men zerthanalary qosylady. Qazirgi tańda segiz qazaqstandyq sol jaqta taǵylymdamadan ótip jatyr", - dedi Saıasat Nurbek.