Bul týraly Seýlde ótken Dúnıejúzilik kongreste belgili boldy.
Forýmǵa Qazaqstanmen birge 144 memlekettiń ókilderi qatysty. İs-sharada bizdiń delegasıa koreıalyq áriptesteriniń orman ósirýdegi tájirıbesimen tanysyp, Birikken Ulttar Uıymynyń jasyl klımat qorynan qarjylandyrýǵa ıe bolý múmkindikterin zerttedi, dep habarlaıdy Almaty-akshamy.kz
Eske salsaq, 2018 jyly Koreıa orman qyzmetiniń mamandary Aral teńiziniń qurǵaǵan tabanyna sekseýil egý jumystaryna kómektesken.
«Qytaıdaǵy shóleıttenýge qarsy jobaǵa, Qazaqstandaǵy jobalarǵa qatystym. Araldyń tabany teńiz deńgeıinen bıikte ornalasqan, sondyqtan shól dalamen salystyrǵanda nátıjege jetý óte qıyn. Osyǵan qaramastan, Qazaqstannyń bul baǵytta qajet tájirıbesi bar. Mamandaryńyz jergilikti klımatqa saı kóshet otyrǵyzýdyń qolaıly ádisin taba aldy», - deıdi profesor Son Ó Hvan Koró.
«Prezıdenttiń tapsyrmasymen 2025 jylǵa deıin 1 mıllıon 100 myń gektarǵa sekseýil egilý kerek. Bul baǵytta biraz jumys atqardyq. Ótken jyly 100 myń gektar alqapqa aǵash otyrǵyzyldy. Bıyl kóktemde de jumystar júrgizildi. Endi biz jyl saıyn 250 myń gektar jerge aǵash otyrǵyzamyz», - dedi QR ekologıa, geologıa jáne tabıǵı resýrstar vıse-mınıstri Álıa Shalabekova.