Nysan Almaty oblysy, Eńbekshiqazaq aýdany, Shelek dálizinde salyndy.
Qazaqstanda qýaty 60 MVt-ny quraıtyn jańa jel elektr stansıasy paıdalanýǵa berildi, dep habarlaıdy Almaty-akshamy.kz Baq.kz silteme jasap.
Jobanyń jalpy quny - 37,4 mlrd teńge. Jańa stansıa árbir nomınal qýaty 2,5 MVt bolatyn 24 jel energetıkalyq qondyrǵysynan turady. Budan bólek, oǵan qosalqy stansıa, soǵan sáıkes ınfraqurylym salynyp, sondaı-aq áýe elektr jetkizý jelileri tartyldy. Stansıa álemdik jel týrbınalaryn óndirýshi jetekshi kompanıalardyń biri – «GoldWind» kompanıasynyń jabdyǵyn paıdalana otyryp salyndy.
Jańa JES jylyna 225,7 mln kVts elektr energıasyn óndiretin bolady. Óndiristik sıpattamalarynan bólek, joba óziniń ekologıalyq qurylymy turǵysynan óńir úshin mańyzdy. Elektr stansıasyn salý jáne ony iske qosý parnıktik gazdar shyǵaryndylaryn 206 myń tonnaǵa deıin azaıtýǵa múmkindik beredi, sondaı-aq jylyna shamamen 89 myń tonna dástúrli otynnyń ornyna júretin bolady.
Jobany «Samuryq-Energo» AQ qazaqstandyq elektr energetıkalyq holdıńi «Power China» qytaı korporasıasymen seriktestikte iske asyrdy, ol energetıka salasyndaǵy halyqaralyq yntymaqtastyqtyń tabysty úlgisi bolyp tabylady.
Shelek dálizinde jańa jel elektr stansıasyn iske qosý rásimi QR Energetıka mınıstri, Almaty oblysy ákimi, "Samuryq-Qazyna" qorynyń basshysy, QR-daǵy QHR Bas konsýldyǵy, "Power China" korporasıasy, "Samuryq-Energo" AQ, "Energıa Semırechá" JSHS ókilderiniń qatysýymen ótti. Jobany Energetıka mınıstri Bolat Aqsholaqov pen "Samuryq-Qazyna" AQ Basqarma Tóraǵasy Almasadam Sátqalıev telekópir arqyly on-line formatynda iske qosty.
JES-ti iske qosýǵa arnalǵan is-shara aıasynda «Samuryq-Qazyna» AQ men Power Construction Corporation of China Ltd arasynda Yntymaqtastyq týraly memorandýmǵa qol qoıyldy. Qujat stansıany keńeıtý jáne onyń qýatyn 300 MVt-ǵa deıin arttyrý arqyly jobanyń ekinshi kezeńin iske asyrýdy kózdeıdi.
Jańa energetıkalyq nysandy salý kezinde 300 adam jumyspen qamtyldy. Stansıany odan ári paıdalaný úshin 14 maman daıarlanyp, jumysqa ornalastyryldy.
Samuryq-Energo sarapshylarynyń aıtýynsha, Almaty qalasy men Almaty oblysynda búgingi kúni jumys istep turǵan energetıkalyq qýattar - Almaty JEO, Qapshaǵaı jáne Almaty GES Kaskady, Jambyl GRES, sondaı - aq Esik, Moınaq, Qaratal, Taldyqorǵan GES-terine qaramastan, bul óńirde energıa tapshylyǵy bar ári óziniń otyn resýrstary jetkilikti deńgeıde emes. Óndirýshi qýattardyń jetispeýshiliginen oblystyń elektr energıasyna degen muqtajdyǵyn oblystyń energıa kózderi tek 50%-ǵa óteıdi. Tapshylyq syrtqy energıa óndirýshiler (respýblıkanyń soltústik oblystarynan, Jambyl GRES-i jáne Qyrǵyzstannan) esebinen jabylady.
«Samuryq-Energo» AQ Basqarma tóraǵasynyń mindetin atqarýshy Serik Túıtebaevtyń aıtýynsha, Kompanıa jańartylatyn energetıkany damytýǵa erekshe kóńil bóledi. Energetıkalyq holdıńte búginde 5 JEK nysany jumys isteıdi – kún, jel elektr stansıalary, shaǵyn SES-ter. Osy JEK nysandarynyń elektr energıasyn óndirýi 2022 jylǵy qańtar-shildede 206,6 mln.kVts qurady, bul 2021 jylǵy uqsas kezeńmen salystyrǵanda 8,9%-ǵa joǵary.
Almaty oblysynda «jasyl» elektr energıasyn óndirý úshin kóptegen tabıǵı múmkindikter bar. Kún men jeldiń áleýetinen basqa, Samuryq-Energo gıdroenergetıkany damytýǵa erekshe kóńil bóledi, buǵan Moınaq GES-in salý jáne Shardara GES-in jańǵyrtý jónindegi aıaqtalǵan jobalar dálel bola alady. Kompanıanyń portfelinde jańa sý elektr stansıalaryn salý boıynsha birqatar jobalar bar. Atap aıtqanda, İle ózeninde Qapshaǵaı GES-iniń apta saıynǵy birkelki emes táýliktik sý jiberýlerin teńestirýge jáne stansıany barlyq qolda bar qýatty paıdalana otyryp, eń joǵary júktemelerdi jabý rejımine aýystyrýǵa múmkindik beretin qýaty 40 MVt Kerbulaq SES-in kontrrettegishin salý.Sondaı-aq, Kompanıa Almaty oblysynyń tapshy energıa júıesine jetkizý úshin elektr energıasynyń kózin qurý maqsatynda Shelek ózeninde GES-29-dy salý boıynsha jobalaý aldyndaǵy jumystardy júrgizýde. Uzaq merzimdi perspektıvada Almaty oblysyndaǵy AlES GES kaskadyn qaıta qurý jáne jańǵyrtý jónindegi jobany iske asyrý josparlanyp otyr. Joba qaıta qurylatyn GES-1 jáne GES-2 - de elektr energıasyn óndirýdi arttyrý arqyly Úlken Almaty ózeniniń gıdrotehnıkalyq resýrstaryn tıimdi paıdalanýǵa múmkindik beredi,-dep atap ótti «Samuryq-Energo» AQ basshysy.
Energetıka mınıstrliginiń derekteri boıynsha, Qazaqstanda 2022 jylǵy shildedegi jaǵdaı boıynsha barlyǵy 142 JEK nysan jumys isteıdi. Jyl basynan beri Qazaqstanda jalpy qýaty 322 MVt bolatyn 8 nysan paıdalanýǵa berildi. 2022 jyldyń sońyna deıin jalpy qýaty 153 MVt bolatyn 13 nysandy iske qosý josparlanýda.