Májilistegi «Úkimet saǵatynda» İshki ister mınıstri Erlan Turǵymbaev ınternet alaıaqtyq eki esege artqanyn aıtty dep habarlaıdy almaty-akshamy.kz
Internet alaıaqtyq eki ese artty. Buǵan sıfrlyq tehnologıanyń damýy sebep. Keıbir qylmysqa qarsy naqty sharalar qolǵa alyndy. Bul qylmystar kóbine shetelden jasalady, – dedi mınıstr.
Turǵymbaevtyń aıtýynsha, osy másele boıynsha qazanda mınıstrliktiń bastamasymen TMD İshki ister mınıstrleriniń otyrysynda qaralǵan.
İİO-ny reformalaý boıynsha jumystar júrgizilip jatyr. 2019 jyly Elbasy Nursultan Ábishuly Nazarbaevtyń bastamasymen 3 jylǵa arnalǵan jol kartasy qabyldandy. Birinshi kezeńde İİM qurylymy ońtaılandyryldy. 106 basqarý býyny jáne 1,5 myńǵa jýyq basshylyq laýazym taratyldy, – dep atap ótti ol.
İİM basshysynyń baıandaýynsha, shtat sany negizinen bos laýazymdar esebinen 11%-ǵa qysqartyldy. Ol shamamen 10,5 myńdy quraıdy. Nátıjesinde, qazir 100 myń turǵynǵa shaqqandaǵy polısıa qyzmetkerleriniń sany 372 quraıdy. Bul ortasha eýropalyq kórsetkish.
Sonymen qatar eseptilik eki esege qysqartyldy.
Polısıa qyzmetin baǵalaýdyń jańa júıesi engizildi. Negizgi ólshem azamattardyń qaýipsizdigi men halyqtyń senim deńgeıi bolyp aıqyndalǵan. Ol úshin táýelsiz ınstıtýttar áleýmettik zertteýler júrgizedi, – dep aıtty mınıstr Májiliste.
Barlyq quqyqtar qorǵalǵan. baq.kz belsendi siltemeni paıdalanyńyz: https://baq.kz/news/othernews/kazakstanda-internet-alayaktyk-eki-ese-artkan/