Koreıanyń ekinshi iri qalasy qazaqstandyq jobalardy ınvestısıalaıdy
Bul týraly elimizdiń Koreıadaǵy elshisi Baqyt Dúısenbaevtyń iskerlik sapary barysynda belgili boldy. Qazaqstandyq delegasıanyń Pýsan basshylyǵymen kezdesýinde Qazaqstannyń Bas konsýldyǵyn ashý máselesi talqylandy. Tıisti jarlyqqa bıyl tamyz aıynda Prezıdent Qasym-Jomart Toqaev qol qoıǵan, dep habarlaıdy Almaty-akshamy.kz.
Óńirdegi iri kompanıalardyń qatysýymen ótken dóńgelek ústelde respýblıkamyzdyń ınvestısıalyq múmkindikteri tanystyryldy. İskerlik top ókilderi aıaqkıim óndirisi, logıstıka, munaı-hımıa jáne avtomobıl qural-jabdyq bólikteri salalarynda yntymaqtastyq ornatýǵa múddeli.
«Qazaqstandy Ortalyq Azıadaǵy úlken tranzıttik múmkindikteri bar basty memleket retinde bilemiz. Biz logıstıkamen aınalysamyz. Eger múmkindik bolsa, osy salaǵa ınvestısıa salǵymyz keledi. Óıtkeni Koreıadan Eýropaǵa taýardy teńizge qaraǵanda Qazaqstan aýmaǵy arqyly 3 ese jyldam jiberýge bolady», - deıdi logıstıka kompanıasynyń prezıdenti Ian Dje Sen.