Mūndaǵy maqsat - probatsıyalyq baqylaudy damytu.
QR Íshkí íster mınıstrí Erlan Tūrǵymbaevtyń aıtuynsha, 2022 jylǵy 1 qańtardan bastap pedofılderge elektrondyq bílezík taǵylady, dep habarlaıdy Almaty-akshamy.kz
«Probatsıyalyq baqylaudy damytu úshín elektrondyq bílezíkter engízílude. Bıyl bíz būl jūmysty ílkí joba retínde bastaımyz. Bírínshí kezekte 2022 jylǵy 1 qańtardan bastap pedofılderge qatysty qoldanylady», - dedí Erlan Tūrǵymbaev.
Sonymen qatar ol sybaılas jemqorlyqqa qarsy naqty ís-sharalar qabyldanǵanyn aıtty.
«Jemqorlyqty joyu úshín azamattarmen tíkeleı baılanys azaıdy. Kólík júrgízu kuálígín beru jáne emtıhan qabyldau funktsıyalary «Azamattarǵa arnalǵan úkímet» memlekettík korporatsıyasyna beríldí. Tírkeu-emtıhan ortalyqtary joıyldy. Polıtsıya qyzmetkerlerí kólík qūraldarynyń krımınaldyq tarıhyn ǵana tekseredí. Qazaqstanda 30 táulíkke deıín bolatyn shetel azamattaryn tírkeu toqtatyldy. Elektrondyq vızalar engízíldí. Tíkeleı halyqaralyq áuejaılarǵa kíru vızalaryn beru ūıymdastyryldy», - dedí mınıstr.