Byltyrmen salystyrǵanda 1,5 esege kóp túsken.
Qazaqstan Úkimeti búdjetke salyq túsimderi boıynsha jospar jaqsy oryndalǵanyn aıtty, dep habarlaıdy Almaty-akshamy.kz Baq.kz silteme jasap.
2022 jylǵy 5 aıda memlekettik búdjetke salyq túsimderi boıynsha jospar 106,8% oryndaldy. Bekitilgen jospar - 5 894,2 mlrd teńge, ol 398,9 mlrd. teńgege asyra oryndalyp, 6 293,1 mlrd teńge tústi. Ótken jylǵy sáıkes kezeńmen salystyrǵanda salyqtyq túsimder 1,5 esege nemese 2 145,3 mlrd teńgege kóp túsken. Bul týraly QM Memlekettik kirister komıtetinde habarlady.
Onyń ishinde:
- Respýblıkalyq búdjet 100,3% oryndaldy (jospar boıynsha 4 273,5 mlrd teńge, 10,8 mlrd teńgege asyra oryndalyp, 4 284,3 mlrd teńge tústi), ótken jylǵy sáıkes kezeńmen salystyrǵanda 1,6 ese nemese 1 686,9 mlrd teńgege ósti.
- Jergilikti búdjet 123,9% oryndaldy (jospar boıynsha 1 620,7 mlrd teńge, 388,1 mlrd teńgege asyra oryndalyp, 2 008,8 mlrd teńge tústi) 2021 jylǵy sáıkes kezeńmen salystyrǵanda 29,6% nemese 458,4 mlrd teńgege ósti.
2021 jylǵy uqsas kezeńimen salystyrǵanda respýblıkalyq búdjetke túsimderdiń eń kóp somasy korporatıvti tabys salyǵy boıynsha 624,1 mlrd teńgege nemese 1,9 ese, ishki óndiris taýarlaryna qosylǵan qun salyǵy 494,4 mlrd teńgege nemese 2,2 ese, munaıǵa salynatyn eksporttyq keden bajdary boıynsha 356,5 mlrd teńgege nemese 2 ese, úshinshi elderden ımportqa qosylǵan qun salyǵy 112,8 mlrd teńgege nemese 37,8%-ǵa, paıdaly qazbalardyń óndirisine salynatyn salyǵy 70,5 mlrd teńgege nemese 35,0%-ǵa jáne EAEO elderinen ımportqa qosylǵan qun salyǵy 66,6 mlrd teńgege nemese 20,5%-ǵa óskeni baıqalady.
Túsimderdiń ósýine mynadaı faktorlar áser etti.
2022 jyly 5 aıda ótken jylǵy uqsas kezeńmen salystyrǵanda negizgi eksporttyq pozısıalarǵa, onyń ishinde munaıǵa 65,1%, alúmınıge 44,0%, myryshqa 37,9%, qorǵasynǵa 12,6%, mysqa 10,1% jáne altyn 4,4% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 56,4%-ǵa ósti (1 tonna úshin ortasha mólsherlemesi 2021 jylǵy qańtar-mamyr aıynda – 55,0$, 2022 jylǵy qańtar-mamyr aıynda 1 tonna úshin – 86,0$).
Aǵymdaǵy jylǵy 5 aıda úshinshi eldermen taýar aınalymy 53,6%-ǵa ósti (eksport 68,9%-ǵa, ımport 19,9%-ǵa ósti).
Ótken jylǵy uqsas kezeńimen salystyrǵanda 2022 jylǵy 5 aıda ótkizý boıynsha aınalym 20,2%-ǵa ulǵaıdy (40 604 mlrd teńgeden 48 809 mlrd teńgege deıin).