Jarysqa qatysýshylar 9 kategorıada baq synaıdy.
Qazaqstanda alǵash ret 10 shilde men 6 qyrkúıek aralyǵynda Prezıdent janyndaǵy «Dara» daryndylardy qoldaý qorynyń uıymdastyrýymen memleketimizdiń búkil aımaqtarynda týrnıkke tartylýdan saıys ótedi, dep habarlaıdy Almaty-akshamy.kz QazAqparatqa silteme jasap.
Joba jetekshisi - qoǵam qaıratkeri, jattyqtyrýshy jáne akter, Street Workout-tan Qazaqstan jáne álem boıysha birneshe dúrkin rekord ıesi, Street Lifting boıynsha Eýropa rekord ıesi, Qazaqstandaǵy Street workout qozǵalysynyń negizin qalaýshylarynyń biri Aıtym Jaqypov.
Street Workout - kóshedegi sport alańdarynda túrli jattyǵý jasaıtyn kóshe gımnastıkasy. Qatysýshy kóbirek tartylǵan saıyn júlde jeńip alý múmkindigi arta túsedi.
Jarysqa qatysýshylar salmaǵy men jas ereksheligine qaraı 9 kategorıada baq synaıdy.
Sonymen qatar, jarys resmı qazylar alqasynyń qatysýymen ótedi. Ár qaladaǵy 9 kategorıa boıynsha jeńimpazdar Nur-Sultan qalasynda ótetin grand-fınalǵa qatysady.
Jarys qorytyndysy boıynsha jeńimpazdar álemdik chempıonatqa joldama utyp alady.