2022 jyly 27 maýsym men 4 shilde aralyǵynda «Kelimsek» jedel-profılaktıkalyq is-sharasy ótkizildi.
Operasıa kezinde 12 288 kóshi-qon zańnamasyn buzýshylyq anyqtaldy, dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri sheteldikter kóp bolatyn mekenjaılardy, qurylys obektilerin, naryqtardy, zańsyz jumysqa alatyn uıymdar men jumys berýshilerdiń nysandaryn tekserdi. Operasıa kezinde 12 288 kóshi-qon zańnamasyn buzýshylyq anyqtaldy. Onyń ishinde 8 441-i sheteldikterdiń memlekette bolý merzimin buzǵan, 3 718-i sheteldik jumys kúshin zańsyz tartqan.
Zańsyz sheteldik jumys kúshin tartqany úshin 563 jumys berýshi jazaǵa tartyldy. Al 4 814 sheteldiktiń kelýi týraly ýaqytyly polısıaǵa habarlama bermegeni úshin jeke jáne zańdy tulǵalarǵa shara qoldanyldy, sondaı-aq 55 sheteldik qaıyrshylyq jasaǵany úshin jaýapkershilikke tartyldy. Kóshi-qon zańnamasyn buzǵany úshin sheteldikterdi elden tys shyǵarý týraly 969 sot sheshimi shyǵaryldy. Elden tys shyǵarý týraly sot sheshimin oryndamaǵan 250 sheteldikke memleketke kelýine tyıym salý jáne májbúrlep shyǵarý týraly sot sheshimi shyǵaryldy.
Kóshi-qonǵa taldaý jasaý barysynda sheteldikterdiń elge zańdy túrde kelgenimen, keıbir jaǵdaılarǵa baılanysty kóshi-qon zańnamasyn buzýshylardyń qataryna aýysatyny anyqtaldy, oǵan kóbinese bizdiń Qazaqstannyń azamattary kómek kórsetýde. Quqyqbuzýshylyqtardyń kóbisi - tıisti ruqsatsyz jumysqa tartýmen baılanysty buzýshylyqtar. Mysaly, Túrkistan oblysynda jazyq jerde «ferýlla» atty dári ósimdikti óndirip tazartqan 110 sheteldik anyqtaldy.
Nur-Sultan, Shymkent qalalary, Atyraý, Qyzylorda, Mańǵystaý, Shyǵys Qazaqstan oblystarynda qurylys obektilerinde sheteldikterdiń zańsyz jumys kúshin tartqan kóptegen fakti anyqtaldy. Zańsyz jumys kúshin tartqan jumys berýshiler men sheteldikter jaýapkershilikten jaltara almady. Bizdiń azamattar da óz paıdasyn oılap, kóshi-qon zańnamasyn buzatyn sheteldikterge baspana berip qana qoımaı, zańsyz kóshi-qon uıymdastyrýda kómek kórsetedi.
Mysaly, Shymkent qalasynda polısıa qyzmetkerleri qaıyrshylyq jasaǵan úsh sheteldikti anyqtady, tekserý barysynda olardyń elge zańsyz jolmen kelip, Memlekettik shekaranyń baqylaý pýnktinen tys kirgeni anyqtaldy, sonymen qosa Qazaqstan Respýblıkasynyń azamatshasy sheteldikterdiń turýy úshin baspana berip, zańsyz bolýyna septigin tıgizdi. Zańsyz kóshi-qondy uıymdastyrý faktisi boıynsha sotqa deıingi tergeý júrgizilýde. Polısıa kóshi-qon zańnamasyn buzýshylyǵyn anyqtaý men aldyn alý boıynsha tıisti jumystardy jalǵastyrýda.