2028 jyldan bastap SOS batyrmasy joq kólikter Qazaqstanda tirkeýge alynbaıdy, dep habarlaıdy Aqshamnews.kz tilshisi Informburo arnasyna silteme jasap.
Ónerkásip jáne qurylys mınıstrliginiń málimetinshe, jańa talap Keden odaǵynyń tehnıkalyq reglamentine sáıkes engizilmek. Ereje Eýrazıalyq ekonomıkalyq odaqqa múshe elderdiń barlyǵyna ortaq bolady.
Máselen, Reseı men Qyrǵyzstannan ákelinetin kólikterge shekaradan ótpeı turyp tótenshe jaǵdaı kezinde shuǵyl qyzmetterge avtomatty túrde belgi beretin SOS júıesi ornatylýy tıis. Eger atalǵan júıe bolmasa, mundaı kólikterdi Qazaqstan aýmaǵynda paıdalanýǵa ári tirkeýge ruqsat berilmeıdi. Sondaı-aq satylym kezinde de osy talap eskerilýi qajet. Al el ishinde burynnan júrgen avtokólik ıelerine SOS batyrmasyn ornatý mindettelmeıdi.
"Qazaqstandyqtar kólikti Keden odaǵyna múshe memleketterden satyp alarda onyń tehnıkalyq reglamentke sáıkestigin aldyn ala tekserip alǵany jón. Eger kólik talapqa saı kelmese, ony tirkeýge qoıý múmkin emes. Mundaı jaǵdaıda kólikti qaıta alyp ketýge týra keledi. Bul – qosymsha shyǵyn jáne qaıta eksporttaýdyń ózi úlken máselege aınalýy múmkin", – dedi Qazautostandart avtokólik sarapshylary men aýdıtorlar qaýymdastyǵy zańdy tulǵalar birlestiginiń prezıdenti Erbol Seıpılov.