Áleýmettik jelilerde taraǵan aqparatqa qatysty polısıa túsinikteme berdi.
Qaraǵandy oblysy PD baspasóz qyzmeti «Qazaqstan» shahtasyndaǵy órt qasaqana bolýy múmkin degen aqparatty joqqa shyǵardy, dep habarlaıdy Almaty-akshamy.kz
Polıseıler atap ótkendeı, barlyq qajetti tergeý sharalary júrgizilýde, órttiń shyǵý sebebin anyqtaıtyn tıisti saraptamalar taǵaıyndaldy.
«Oblys turǵyndaryn qaýeset pen arandatýshylyqtarǵa berilmeýdi, tek resmı aqparatqa senýdi suraımyz. Jalǵan aqparat taratqany úshin Qazaqstan Respýblıkasy Qylmystyq kodeksiniń 274-babyna sáıkes qylmystyq jaýapkershilikke tartylý qaýpi bar», - delingen habarlamada.
17 tamyz kúni Qaraǵandy oblysyndaǵy «Qazaqstan» shahtasynda órt shyqqan edi. Apat kezinde shahtada 227 qyzmetker bolǵan. Apatty joıý josparyn dereý engizý arqyly 222 adam shyǵaryldy. Ókinishke qaraı, jer astynda qalyp qoıǵan 5 kenshi qaza tapty.
Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.