Bul óndiris 2 aı ishinde júzege asyrylǵan.
RF Úkimetiniń tóraǵasy Mıhaıl Mıshýstın Nur-Sultanda ótken kelissózderde Qazaqstandaǵy «Spýtnık V» reseılik vaksınasynyń ónerkásiptik óndirisi týraly aıtty, dep habarlaıdy Almaty-akshamy.kz Qaraǵandy farmasevtıkalyq kesheniniń telegramdaǵy kanalyna silteme jasap.
«Biz sizdermen birge koronavırýstyq ınfeksıamen kúresip jatyrmyz, Qaraǵandy farmasevtıkalyq zaýytynda reseılik «Spýtnık V» vaksınasyn birlesip óndirý jolǵa qoıyldy. Jyl basynan beri vaksınanyń 5 mıllıon dozasy óndirildi. Halyqty jappaı ımmýndaý adamdardyń densaýlyǵyn qorǵaýǵa jáne bizdiń elderde koronavırýstyq ınfeksıany jeńýge múmkindik beretinine senimdimin», — dedi Mıshýstın.
2020 jyldyń jeltoqsan aıynda RQAO men Qazaqstan Respýblıkasynyń Densaýlyq saqtaý mınıstrligi Qaraǵandy farmasevtıkalyq kesheniniń qýattylyqtarynda reseılik vaksına óndirisin iske qosty. 2 aı ishinde júzege asyrylǵan óndiristiń teńdessiz jyldam rettelýi jarty jyl ishinde preparattyń 5,1 mln dozasyn shyǵarýǵa múmkindik berdi.