5,9 esege arttyrdy.
2022 jylǵy qańtar-sáýirde ótken jyldyń sáıkes kezeńimen salystyrǵanda, Qazaqstannan Qytaıǵa kúnbaǵys maıyn jetkizý 5,9 esege, $6,8 mln-nan $40,3 mln-ǵa deıin ulǵaıdy, dep habarlaıdy Almaty-akshamy.kz Eldala.kz silteme jasap.
Esepti kezeńde Qazaqstannan Qytaıǵa $18,5 mln kúnjara maıy eksporttaldy.
Qazaqstan men Qytaı arasyndaǵy taýar aınalymy 2022 jylǵy qańtar-sáýirde $6,5 mlrd qurady, bul ótken jyldyń uqsas kezeńimen salystyrǵanda ($5,2 mlrd) 26,7% - ǵa joǵary.
Qazaqstannan Qytaıǵa eksport 29%-ǵa ósip, $3,6 mlrd qurady, Qytaıdan Qazaqstanǵa ımport -23,9%-ǵa, $2,9 mlrd-qa deıin ósti. 2022 jyldyń 4 aıyndaǵy ımport kólemi osyndaı kezeńdegi rekordtyq nátıje bolyp tabylady.
Ulttyq statısıka búrosynyń derekteri boıynsha, Qazaqstanda 2022 jylǵy qańtar-sáýirde 2021 jylǵy uqsas kezeńmen salystyrǵanda tazartylmaǵan kúnbaǵys maıyn óndirý 49,7%-ǵa ósip, 98 266 tonnany qurady.
Tazartylǵan kúnbaǵys maıyn óndirý 13,8%-ǵa, 50 815 tonnaǵa deıin tómendedi.
Esterińizge sala keteıik, Vedomstvoaralyq komısıa kúnbaǵys tuqymdary men kúnbaǵys maıyn shyǵarýǵa shekteýlerdi tıisinshe 30 qyrkúıek pen 31 tamyzǵa deıin uzartý týraly sheshim qabyldaǵan bolatyn.
1 shildege deıin belgilengen kúnbaǵys tuqymdarynyń eksportyna qoıylǵan shekteýler 30 qyrkúıekke deıin uzartyldy. Bul rette áketýge ruqsat etilgen ónimniń jalpy kólemi 125 myń tonnadan 140 myń tonnaǵa deıin ulǵaıtyldy.
Kúnbaǵys maıynyń eksportyna shekteý qoıý merzimi 31 tamyzǵa deıin (buryn 1 maýsymǵa deıin bolǵan) uzartyldy. Kvota kólemi ózgergen joq – 114 myń tonna.
Aýyl sharýashylyǵy mınıstrligi 2022 jylǵy 8 shildeden keshiktirmeı óziniń ınternet-resýrsynda 2022 jylǵy shilde-qyrkúıek aralyǵynda QR aýmaǵynan kúnbaǵys tuqymdaryn áketýge kvota alýǵa ótinimder qabyldaý týraly habarlandyrý ornalastyrady. Habarlandyrýda bólinetin kvotanyń aı saıynǵy kólemi, bir ótinish berýshi úshin ruqsat etilgen aı saıynǵy lımıt, ishki naryqqa kúnbaǵys maıyn kepildendirilgen jetkizý kólemi, qajetti qujattar tizbesi jáne t.b. kórsetiledi.