Asa jaýapkershilikpen qaraǵan jón.
Prezıdenttiń Qazaqstan halqyna Joldaýyn iske asyrý úshin Konstıtýsıaǵa 30-dan astam ózgeris engizý qajet. Bur týraly Memleket basshysynyń ózi aıtty, dep habarlaıdy Almaty-akshamy.kz QazAqparatqa silteme jasap.
«Meniń búgingi bastamalarym óte aýqymdy. Bul bastamalar elimizdiń saıası júıesi men ákimshilik-aýmaqtyq qurylymyn edáýir ózgertedi. Ony júzege asyrý úshin Konstıtýsıaǵa 30-dan astam ózgeris engizý qajet. Sondaı-aq, jyldyń sońyna deıin taǵy 20-dan astam zań qabyldaý kerek», - dedi Qasym-Jomart Toqaev Joldaýdy jarıalaý barysynda.
Aıtýynsha, zań jobasyn ázirlep, ony qabyldaý - edáýir ýaqytty alatyn kúrdeli jumys.
«Sondyqtan oǵan asa jaýapkershilikpen qaraǵan jón. Sondaı-aq ishki, syrtqy syn-qaterlerdi muqıat eskerýimiz kerek. Biz Táýelsizdik jyldarynda nebir qıyndyqtardan aman óttik. Syn-qaterdiń bárin eńserip, osy kúnge jettik. Endi elimizdi túbegeıli jańǵyrtýǵa kiristik. Bul kezeń almaǵaıyp ýaqytqa tuspa-tús kelip otyr. Qazirgi Qazaqstanǵa da áser etetini anyq. Birq zaman qansha kúrdeli bolsa da, biz baǵdarymyzdan aınymaımyz. Ótkennen taǵlym alyp, keleshekke senimmen qadam basamyz», - dedi Qasym-Jomart Toqaev.