Dıplomatıalyq korpýs ókilderi tildik daıyndyq sabaqtaryna qatysty.
Estonıa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Toomas Tırs Almatydaǵy Bitimgershilik daıyndyq ortalyǵynyń jumysymen tanysty, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Ortalyq bastyǵy, polkovnık Baýyrjan Nyǵmetýllın delegasıa múshelerine mekemeniń qurylý tarıhy, olardyń júzege asyryp jatqan oqý baǵdarlamalary, sondaı-aq bitimgershilik jáne tildik daıyndyq salasyndaǵy basym jobalar jóninde aıtyp berdi.
Dıplomatıalyq korpýs ókilderi Qazaqstan Qarýly Kúshteri bitimgershilik bólimsheleriniń áleýeti men múmkindikterin arttyrý sheńberinde qarqyndy túrde ótkiziletin tildik daıyndyq sabaqtaryna qatysty.
Toomas Tırs ulttyq múddede de, sondaı-aq búkil Ortalyq Azıa óńiriniń múddesinde de bul ortalyqtyń atqaratyn qyzmeti mańyzdy ekenin tilge tıek etti.