Áskerı-tehnıkalyq yntymaqtastyq,
Astanada Qazaqstan Respýblıkasynyń Qorǵanys mınıstri, general-polkovnık Rýslan Jaqsylyqovtyń elimizge resmı saparmen kelgen Ázirbaıjan Qorǵanys mınıstri, general-polkovnık Zakır Gasanovpen kezdesýi ótti, dep habarlaıdy Almaty-akshamy.kz.
Kezdesý ózara túsinistik pen syndarly dıalog jaǵdaıynda ótti. Taraptar ekijaqty qatynastardyń keń aýqymy boıynsha pikir almasyp, yntymaqtastyqty odan ári jandandyrý máselelerin talqylady.
Atap aıtqanda, Qazaqstan men Ázirbaıjannyń áskerı saladaǵy ekijaqty yntymaqtastyǵynyń qazirgi jaı-kúıiniń aspektileri talqylandy. Áskerı-tehnıkalyq yntymaqtastyq, jaýyngerlik daıarlyqtyń birlesken is-sharalaryn ótkizý, kadr daıarlaý máseleleri jan-jaqty sóz boldy. Sondaı-aq eki el qorǵanys vedomstvolarynyń odan ári ózara is-qımylynyń basqa da máseleleri qaraldy.
– Ótken aptada Ázirbaıjan Prezıdenti Qazaqstanǵa resmı saparmen kelip ketti. Onda eki eldiń kóshbasshylary saıası, saýda-ekonomıkalyq, kólik-tranzıttik jáne mádenı-gýmanıtarlyq yntymaqtastyqty nyǵaıtýǵa erekshe nazar aýdara otyryp, qazaq-ázirbaıjan strategıalyq áriptestigi men odaqtastyǵynyń negizgi máselelerin jan-jaqty talqylady. Áskerı salada da túrli baǵyttar boıynsha ózara is-qımyldy damytýdyń perspektıvalary bar, – dep atap ótti general-polkovnık Rýslan Jaqsylyqov.
Jumys sapary aıasynda Ázirbaıjannyń áskerı delegasıasy Astanadaǵy áskerı kadrlardy joǵary oqý ornynan keıingi daıarlaýdy júzege asyratyn Ulttyq qorǵanys ýnıversıtetinde boldy.
Baǵdarlamada Ázerbaıjan delegasıasynyń Almatydaǵy Qurlyq áskerleri Áskerı ınstıtýtyna sapary kózdelgen. Onda qonaqtar qazaqstandyq kýrsanttardyń oqý úderisimen tanysady. Atap aıtqanda, olarǵa bolashaq ofıserlerdi atys daıyndyǵyna, jaýyngerlik mashınalardy júrgizýge sapaly oqytýǵa arnalǵan arnaıy trenajer keshenderiniń múmkindikteri kórsetiledi.