Qazaqstan halqynyń Birligi kúnine arnalǵan qalalyq konsert 1 mamyrda Abaı alańynda Respýblıka saraıynyń aldynda saǵat 10:00-de ótedi.
Konsert «Jasstars» tobynyń jáne QR memlekettik eńbek sińirgen «Saltanat» bı ansambliniń oryndaýyndaǵy «Qazaqstan – dostyq besigi» vokaldyq-bı kompozısıasymen ashylady. Erbolat Qudaıbergenov, Rústem Nurjigit, Danıar Ótegen, Mádı Rymbaeva, Dılnaz jáne Dılshat Ahmadıevter, Tóreǵalı Tóreáli, Dıdar Kaden, Aldaspan toptary jáne t. b. óner kórsetedi dep josparlanýda.
Almaty - SHYU-nyń 2023-2024 jyldardaǵy mádenı jáne týrısik astanasy. Osyǵan oraı, halqymyzdyń Birlik kúni qala Tatarstan, Ózbekstan jáne Belarýssıadan kelgen qonaqtardy qarsy alady. Konsertke halyqaralyq baıqaýlardyń laýreaty Zarına Hasanshına, Ózbekstannyń, Qaraqalpaqstannyń, Bashqurtstannyń halyq ártisi Jeńisbek Pıazov jáne Belarýs Respýblıkasynyń eńbek sińirgen artısi Janet Býterýs qatysady. Merekelik konserttiń jalǵasy retinde qazaq, armán, koreı, kavkaz, túrik, uıǵyr, polák ulttyq bıleri jáne Qazaqstannyń basqa halyqtarynyń bıleri usynylady.
Dál osy kúni Abaı alańynda Qazaqstan halyqtarynyń taǵamdary festıvali ótedi, onda 15 meıramhana qazaq, koreı, grýzın, orys, uıǵyr jáne úndniń ulttyq taǵamdaryn usynady.
1 mamyr kúni saǵat 11.00-de Jibek Joly, Panfılov kóshelerinde jáne Ǵylym Akademıasy ǵımaratynyń aldyndaǵy Sh.Ýálıhanov atyndaǵy skverde merekelik is-sharalar ótedi. Konserttik baǵdarlamalar "Almaty Áýenderi" ártisteriniń jáne "Alataý" dástúrli óner teatrynyń, Qazaqstan halqy Assambleıasynyń, mýzykalyq toptar men dı - djeılerdiń qatysýymen josparlanǵan.
Merekelik sharalar qalanyń basqa aýdandarynda da ótedi:
- Alataý aýdanynda merekelik shara atletter aýylynda saǵat 14:00-de ótedi;
- Almaly aýdanynda Arbatta (Jibek joly kóshesi) saǵat 15:00-den 17:00-ge deıin merekelik konsert, kórme jáne taǵam festıvali ótedi;
- Áýezov aýdanynda «Halyq birligi kúnine» arnalǵan túrli ultttardyń kórmeleri jáne merekelik konsert Family Park demalys saıabaǵynda saǵat 11: 00-de ótedi;
- Bostandyq aýdanynda merekelik is-shara MEGA Alma-Ata SOO-da saǵat 11:00-de ótedi;
- Jetisý aýdanynda merekelik baǵdarlama «Gúlder» saıabaǵynda saǵat 11: 00-de ótedi;
- Medeý aýdanynda merekelik is-shara Ǵylym Akademıasy ǵımaratynyń aldyndaǵy alańda (Shevchenko kóshesi, 28) saǵat 11:00-de ótedi;
- Naýryzbaı aýdanynda merekelik konsert aýdandyq ákimdik ǵımaratynyń aldynda (Shuǵyla shaǵyn aýdany, 347) saǵat 11:00-de ótedi;
- Túrksib aýdanynda №6 oqýshylar úıinde (Seıfýllın dańǵyly,13) saǵat 12:00-de konsert bolady.