Bul qyzmetke Qaıyrbek Súleımenov saılandy.
«Qazaqstan halqyna» qorynyń Qamqorshylyq keńesiniń tóraǵasy Pá Iýrıı Vladımırovıch Qamqorshylyq keńestiń jumys kóleminiń kóp bolýyna baılanysty tóraǵanyń ókilettigin merziminen buryn toqtatý týraly ótinish bildirdi, dep habarlaıdy Almaty-akshamy.kz Inbusness.kz silteme jasap.
Pá Iýrıı Vladımırovıch University Medical Center korporatıvtik qoryn basqarady.
Qordyń Qamqorshylyq keńesiniń tóraǵasy bolyp qoǵam qaıratkeri, «Atameken» UKP Kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńestiń tóraǵasy Qaıyrbek Shoshanuly Súleımenov saılandy.
Qamqorshylyq keńes tóraǵasynyń orynbasary bolyp dáriger, medısına ǵylymdarynyń kandıdaty, Qazaqstan Densaýlyq saqtaý isiniń úzdigi Amanjolova Záýresh Jumanáliqyzy saılandy.