Qazaqstanda azyq-túlik taýarlarynyń baǵasy bir jylda birden 20,8%-ǵa ósti - statısıka.
TMD elderiniń arasynda tamyzda Moldovada azyq-túlik taýarlary baǵasynyń eń joǵary jyldyq ósýi tirkeldi. Úshtikte Ýkraına jáne Qazaqstan da bar. Ázirbaıjan, Belarýs jáne Qyrǵyzstanda baǵanyń jyldyq ósýi 18,9%-dy, Reseıde 15,8%-dy , Armenıada 12,5%-dy qurady, dep habarlaıdy Almaty-akshamy.kz.
Óńirlik bóliniste Mańǵystaý, Jetisý jáne Abaı oblystarynyń turǵyndary baǵanyń ósýin aı saıynǵy dınamıkada qatty sezindi, al baǵanyń eń az ósýi Astanada (0,4% - ǵa) baıqaldy. Jyldyq dınamıkada azyq-túlik taýarlarynyń baǵasy Mańǵystaý, Aqtóbe jáne Aqmola oblystarynda ósti.
Jemister men kókónister bir jylda 14,8%-ǵa, sút ónimderiniń baǵasy jyldyq qarqynmen 24,6%-ǵa ósti. Et jáne et ónimderi jyldyq qarqynmen 14,5%-ǵa qymbattady. Tamyz aıynyń qorytyndysy boıynsha nan jylyna 18,4%-ǵa, un 41,4%-ǵa, makaron ónimderi 35,7% -ǵa, jarma 32,7%-ǵa qymbattady.