Qazaqstandyq boksshylar kúndizgi jáne keshki sesıada baq synaıdy
Serbıa astanasy Belgrad qalasynda ótip jatqan bokstan álem chempıonatynda búgin, 30 qazanda el quramasynan qazaqstandyq tórt boksshy sharshy alańǵa shyǵady, dep habarlaıdy Almaty-akshamy.kz QazAqparat agenttigine silteme jasap.
Qazaqstandyq boksshylar kúndizgi jáne keshki sesıada baq synaıdy.
Kúndizgi sesıada Temirtas Júsipov (48 keli) serbıalyq Omer Ametovıchpen qolǵap túıistirse, Nurbek Oralbaı (80 keli) brazılıalyq Isaıas Fılo, Nurqanat Raıys (75 keli) moldovalyq Vlad Gavrılıchpen sheberlik baıqasady. (Moldova).
Al keshki sesıada Sanatáli Tóltaev (63,5 keli) moldovalyq Vasılıı Chebotarmen kezdesedi.
Eske salsaq, keshe Mahmýd Sabyrjan (54 keli) 1/16 fınalda Ońtústik Koreıadan kelgen In Kú Kımmdi tize búktirdi.
Al Samatáli Tóltaev (60 keli) taılandtyq Hýnatıp Pıdnýchtiń osal tusyn tapsa, Aslanbek Shymbergenov (71 keli) ózbek sportshysy Shahram Gıasovty qapy qaldyrdy.
Odan keıin Aıbek Oralbaı 92 keli salmaqta 1/16 fınalda polshalyq Mateýsh Bereznıskıdi jeńdi.
Álem chempıonatyna el quramasynda 13 boksshy bardy. Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.