Qazaqstan men Qyrǵyzstan shekarasynda júk kólikteri taǵy da kezek kútip tur. Bul joly Ken-Býlýn ótkelinde keptelis týyndady. Qazir shekaradan óte almaı turǵan kólik sany 200-ge jýyq. Sońǵy kezde Qyrǵyzstanda mundaı jaǵdaı jıi qaıtalanady. Bul joly júk kólikteri Ken-Býlýn ótkelinde tur, dep habarlaıdy Almaty-akshamy.kz 24.kz-ke silteme jasap.
Júk tıelmegen kólikter Qyrǵyzstannan Qazaqstanǵa tek osy aralyqtan ǵana óte alady. Alaıda eki kúnnen beri kezek jyljıtyn emes.
Talǵat Askeev, kólik júrgizýshi:
- Munda turǵanymyzǵa eki kún boldy. Kórip turǵan kólikterdiń barlyǵy bos, eshbir júgi joq. Qazaqstan aýmaǵyna kirgizýin kútip turmyz, óıtkeni bizge sonda júk tıeý nemese konteınerlerimizdi qaldyrý kerek.
Kólik keptelisine ne sebep bolǵanyn ázirge eshkim túsindirgen joq. Ádette taýar nemese azyq-túlik tıelgen júk kólikterine shekaradan ótý qıyn. Sarapshylar muny qytaı taýarynyń Ortalyq Azıa boıynsha tranzıti jáne mol paıda ákeletin ónim bolǵandyqtan saýda tartysy bar dep túsindiredi. Oǵan qosa qyrǵyz eksportórleri ónimniń sertıfıkattary men elektrondy qujatty talap etetin saýda erejelerine salaqtaý.
Temır Shabdanalıev, Qyrǵyzstan tasmyldaýshylar men logıster qaýymdastyǵynyń tóraǵasy:
- Qyrǵyz tarapy Jańa jyldan keıin taýarlardy tek elektrondy qujatpen jiberýge mindetteme alǵan. Alaıda bul shartty oryndap jatqan joqpyz. Elektrondy qujaty joq kez kelgen kólikti qazaqstandyqtar baqylaıdy. Sondaı kólik kóp ekenin kórip tursyz, sondyqtan 200, 300 kólik shekarada turyp qaldy.
Shekaradaǵy kezekti azaıtý úshin logıstter baqylaýshy organdarǵa elektrondy jáne ózge de qujattardy shekaraǵa jetpeı Qyrǵyzstan aýmaǵynda tekserýdi usynady. Al qujattary durys rásimdelgen kólik júrizýshileri shekaradan kedergisiz ótedi.