Nursultan Amanjolov kásipqoı bokstaǵy tórtinshi jeńisine qol jetkizdi
Qazaqstandyq boksshy Nursultan Amanjolov (3-0, 2 KO) profı-rıngte úshinshi aıqasyn ótkizdi, dep habarlaıdy Almaty-akshamy.kz QazAqparatqa silteme jasap.
Sports.kz portalynyń málimetinshe, Nursultan Almatyda ótken boks keshinde óner kórsetip, ýkraınalyq Semen Pahomovpen (2-16, 2 KO) qolǵap túıistirdi.
Sýperaýyr salmaqtaǵy jekpe-jek alty raýndqa eseptelgen bolatyn. Alaıda, sońǵy mejesine deıin jetken joq. Úshinshi raýndta N.Amanjolov shapshań kombınasıa jasap, ony oponentiniń baýyr tusyna qatty soqqymen aıaqtady.
Aýyr nokaýtqa túsken S.Pahomov uzaq ýaqytqa deıin esin jıa almaı jatty.
Osylaısha, Nursultan Amanjolov kásipqoı bokstaǵy tórtinshi jeńisine qol jetkizdi. Al Semen Pahomov 17-inshi ret jeńilis tapty.