Almatyda osyndaı álbom jaryqqa shyqty.
Álbom 1920-1970 jyldar aralyǵyn qamtıdy, dep habarlaıdy Almaty-akshamy.kz.
24.kz aqparatyna sáıkes, jınaqqa «Ortalyq memlekettik kıno-fotoqujattar men dybys jazbalary arhıvinde» saqtalǵan asa qundy tarıhı qujattar, belgili aqyn-jazýshylardyń, ǵalymdardyń, memleket jáne qoǵam qaıratkerleriniń sýretteri kirgen. Onyń ishinde buryn esh jerde jarıalanbaǵan fotolar bar. Máselen, top bolyp túsken fotosýretterdegi adamdardyń barlyǵynyń aty-jóni jazylyp, qaı jyly túskenine deıin anyqtama berildi. Fotoshejireni fılosofıa ǵylymynyń kanıdaty, osy mekemeniń bas sarapshysy Janaı Omarov qurastyrdy. Jınaq qazaq ádebıetine janashyr bıznes ıesiniń demeýshiligimen jaryq kórdi. Tırajy – 200 dana. Aldaǵy ýaqytta fotoshejireniń ekinshi kitabyn shyǵarý josparda bar.
«Kóptegen aqyn-jazýshylarymyzdyń ómirden ótip ketken, solardyń urpaqtary, solardyń sýretterin úıinde saqtaıdy da, ony halyq kóre bermeıdi. Bul kisiler – elimizdiń ataqty uldary, belgili qoǵam qaıretkerleri. Olardyń ómiri, jalpy shyǵarmalary qazaq halqyna qyzyq jáne kerek», - deıdi «Ortalyq memlekettik kıno-fotoqujattar men dybys jazbalary arhıvi» RMM dırektory İlıas Ysqaqov.