Quryltaı - qoǵamdyq dıalogtyń birtutas ınstıtýsıonaldyq modelin qalyptastyrýǵa tıis.
Memleket basshysy ulttyq quryltaı qurýdy usyndy, dep habarlaıdy Almaty-akshamy.kz QazAqparatqa silteme jasap.
«Biz birliktiń bastaýy bolǵan dala demokratıasynyń bastaýyn jalǵastyrýymyz kerek. Ulttyq qoǵamdyq senim keńesi óz mindetin tabysty atqardy. Endi onyń ornyna quramy jaǵynan aýqymdy ulttyq quryltaı qurýdy usynamyn», - dedi Qasym-Jomart Toqaev.
Onyń aıtýynsha, jańa qurylym ulttyq keńestiń qyzmetin ortalyq deńgeıde jalǵastyratyn bolady.
«Quryltaı qoǵamdyq dıalogtyń birtutas ınstıtýsıonaldyq modelin qalyptastyrýǵa tıis. Sóıtip, bılik pen halyqtyń arasyndaǵy dánekerge aınalatyn bolady. Qazirgi qoǵamdyq keńestiń bárin óz aınalasyna toptastyrady. Ulttyq quryltaıdyń quramynda barlyq aımaqtyń ókilderi bolady. Sondaı-aq, oǵan Parlamenttiń birqatar depýtaty, Qazaqstan halqy Assambleıasy, azamattyq aláns, qoǵamdyq keńes pen uıymdardyń músheleri, belgili memleket qaıratkerleri jáne taǵy basqa kiredi», - deıdi ol.