Bıylǵy Olımpıadadan elimizge bir de bir altyn da, kúmis te buıyrǵan joq.
Memleket basshysy Qasym-Jomart Toqaev Tokıo Olımpıadasynan sabaq alý keregin aıtty, dep habarlaıdy Almaty-akshamy.kz Prezıdenttiń Twitter jelisine silteme jasap.
«Ulttyq quramnyń Olımpıadadaǵy kórsetkishi sport sekildi asa mańyzdy salada shuǵyl ári tıimdi reformalar júrgizý qajet ekenin kórsetti. Buqaralyq jáne balalar sportyn damytýǵa kóńil bólip, sol arqyly álemdik arenada úlken tabystarǵa qol jetkizýge umtylý qajet», – dedi memleket basshysy.
Prezıdenttiń jazǵanyndaı, 8 qola medal alyp, jalpy komandalyq esepte 83-orynǵa taban tiregen ulttyq quramanyń bul kórsetkishi Qazaqstannyń sporttaǵy áleýetine jáne memleket tarapynan sportty damytýǵa bólinip otyrǵan mol qarajatqa sáıkes kelmeıdi.
«Tokıoda ótken Olımpıada oıyndaryna Qazaqstannan 93 sportshy qatysty. Jeńiske jetý jolynda bar kúsh-jigeri men sheberligin kórsetken atletterge alǵysymdy bildiremin. Olımpıadanyń qola júldegerlerin quttyqtaımyn. Bul - uzaq ýaqyt boıy júrgizgen tabandy jattyǵýlardyń jaqsy nátıjesi. Tokıo Olımpıadasynan sabaq alyp, Parıjde ótetin kelesi oıyndarda halyq úmitin aqtaıtyndaı nátıjege qol jetkizý kerek», – dedi Qasym-Jomart Toqaev.